LEFAPHA LA BOITEKANELO
MOLAO WA BATLHANKEDI BA BOITEKANELO BA SETSO WA 2004
MOLAO 35 WA 2004
MOLAWANA MALEBANA LE THAPO KA TONA JAAKA MALOKO A KHANSELE YA NAKWANA YA AFORIKA BORWA YA BATLHANKEDI BA BOITEKANELO BA SETSO
Tona ya Boitekanelo e ikaelela, go ya ka karolo 7 ya Molao wa Batlhankedi ba Boitekanelo ba Setso, 2004 (Molao No 35 wa 2004), buisa le karolo 14 ya Molao wa Tlhaloso, 1957 (Molao No. 33 wa 1957) go dira melawana e e tlhagelelang mo Mametlelelong.
MAMETLELELO
Ditlhaloso
Mo melawaneng e, lefoko lengwe le lengwe kgotsa tlhagiso e bokao bo e neetsweng mo Molaong e tla nna le bokao joo, ntle fa tlhagiso e kaya ka mokgwa mongwe -
Khansele" e kaya Khansele ya Nakwana ya Aforika Borwa ya Batlhankedi ba Boitekanelo ba Setso e e tlhomilweng go ya ka karolo ya Molao;
Molao" o kaya Molao wa Batlhankedi ba Boitekanelo ba Setso, 2004 (Molao No. 35 wa 2004); e bile motlhankedi wa boitekanelo ba setso" o kaya motho yo mo sešweng a dirang tiro ya boitekanelo ba setso jaaka go tlhalositswe mo Molaong.
Thulaganyo ya Thapo
Malebana le go thapa maloko a a akanngwang mo ditemaneng c, e, h le i tsa karolo 7 ya Molao, Tona e tshwanetse ka kitsiso mo Kaseteng le ka papatso mo makwalongdikgang a le mabedi ka phasalatso ya bosetšhaba le ya kgaolo go laletsa ditlhopho tsa batho ba ba tshwanetseng go sekasekelwa thapo ya mo Khanseleng.
Kitsiso e e akanngwang mo molawanengpotlana 2 e tshwanetse go tlhagisa ditlhokego tsa tshekatsheko ya thapo jaaka leloko le paka e ka yona Tona e tshwanetseng go amogela ditlhopho tseo.
Ditlhopho tsa thapo go ya ka-
a karolo 7c ya Molao di tshwanetse go romelwa kwa go Mokhuduthamaga yo o rweleng maikarabelo a boitekanelo mo porofenseng e mo go yona motlhankedi yo o tlhophilweng wa boitekanelo ba setso a dirang mo go yona; le b ditemana e, h le i tsa karolo 7 ya Molao di tshwanetse go romelwa go Tona.
Ditlhopho di tshwanetse go romelwa ka mokgwa o o tlhagisiwang mo Mametlelelong ya Melawana e.
Khansele ya Diporofešene tsa Boitekanelo ya Aforika Borwa le Khansele ya Dikhemisi ya Aforika Borwa di tshwanetse go romela ditlhopho tsa batho ba ba tshwanetseng go sekasekiwa go thapiwa mo Khanseleng go ya ka karolo 7f le g, ka botsona, ya Molao, mo sebakeng sa malatsi a le 30 go simolola ka letlha la kopo ya lekwalo ya Tona.
Mokhuduthamaga yo o rweleng maikarabelo a boitekanelo mo porofenseng o tshwanetse go romela maina a le mararo a batlhankedi ba boitekanelo ba setso go sekasekiwa go thapiwa ke Tona go ya ka karolo 7c ya Molao.
Fa Tona e sa amogele tlhopho mo karolong e e rileng kgotsa palo e e sa lekanang ya ditlhopho mo pakeng e e rileng mo taletsong, Tona e ka thapa palo e e tlhokegang ya batho ba ba leng maleba go ka thapiwa go ya ka karolo 7 ya Molao, kgotsa ya kopa ditlhopho tse dingwe mabapi le ntlha eo.
Motho yo leina la gagwe le rometsweng go ya ka molawanapotlana 5 mabapi le thapo go ya ka karolo 7i ya Molao, o tshwanetse a bo a ne a dira mo karolong eo mo pakeng e e seng ka fa tlase ga dingwaga di le tlhano pele ga thapo e e akanngwang jaaka leloko.
Tona e tshwanetse go phasalatsa ka mo Kaseteng maina a maloko a a thapilweng mo Khanseleng le letlha la tshimologo ya paka ya bona le paka ya tiro.
TONA YA BOITEKANELO
MAMETLELELO A
FOROMOYA TLHOPHO YA THAPO JAAKA LELOKO LA KHANSELE YA NAKWANA YA BATLHANKEDI BA BOITEKANELO BA SETSO
Maina ka botlalo a motlhankedi wa boitekanelo ba setso
Aterese ya kwa Gae
Aterese ya Poso fa e farologana le e e fa godimo
Porofense e motlhankedi a dirang mo go yona tshwaya e le nngwe ka X o be o tlhagise torotswana/toropokgolo/motsana
KAPA BOTLHABA
MPUMALANGA
KAPA BOKONE
BOKONE BOPHIRIMA
KAPA BOPHIRIMA
Karolo e kgolo ya tiro tshwaya e lengwe ka X
Ngaka ya sedupe
Ngaka
Mothusi wa Botsalo ba Saetso
Moari wa setso
Palo ya dingwaga tsa tiro le lefelo la tiro
Ke ikana gore ke dumela go amogela tlhopho e e fa godimo e bile ke teng go dira mo Khanseleng ya Nakwana ya Batlhankedi ba Boitekanelo ba Setso fa Tona ya Boitekanelo e ka swetsa go nthapela tiro e.
Tshaeno kgotsa letshwao la Motlhankedi wa Boitekanelo ba Setso Letlha e e tlhagisitsweng mo ntlheng ya 1 e e fa godimo
Nna, ...(maina ka botlalo a motho yo o tlhophang le tiro) ke ikana gore tshedimosetso e e neetsweng fa godimo ke ya boammaruri, e bile ke tlhaloganya gore ke thata ya Tona go thapa maloko a Khansele ya Nakwana ya Boitekanelo ba Setso.
Tshaeno kgotsa letshwao la motho yo o tlhophang Letlha
Ke tlhopha motlhankedi yo o kaiIweng fa godimo go dira mo Khanseleng ya Nakwana ya Batlhankedi ba Boitekanelo ba Setso
Tshaeno ya Mokhuduthamaga (MEC) wa Porofense e e kailweng mo ntlheng 5 e e fa godimo
Letlha
